Mänschä vo da.
Mir läbed alli da in Robehuuse.
Mir schaffed da, mir wohned da, mir lachäd da –
mir sind dini Nachbärä.
Mir händ meh z verzellä
als nume «Hoi, wiä gahts?»
D Chrigi.
Wänn d Chrigi s Chuchifeischter ufmacht,
hät de Samschtig es Gsicht.
De Kafi chunnt dur s Feischter, s Gebäck vo Hand,
und undär em Himmel wird quatscht.
E Nachbarin seit: ohni iren Cappuccino
isch dä Samschtig kein Samschtig,
mer glaubts ihrä gärn.
2x im Monet ischs offä.
& Erzählkultur
D Andrea.
Bi de Andrea chan mir i Farbä, Formä
und Gschichtä iitauchä.
Im gschtalterischä Prozäss zu sich cho,
Chraft schöpfä, über sich usä wachsä.
Überem Atelier isch di gröschti Märlibibliothek vo de Schwiiz
mit meh als 3000 Büecher voller Volksmärli us de ganzä Wält.
Diä werdet a dä zahlriiche und vielsiitige Verastaltige
vo de Märlibibliothek uf Schwiizerdüütsch frei verzellt.
Verzellt d Andrea sälber, macht si das under em Namä Orphea.
D Claudia.
Wänn d Claudia s Huus ufmacht,
hät s Quartier es Wohnzimmer meh.
I de Dorfstrass 56 läbt e WG 60plus –
und i dä altä Garage de Generationen-Treff.
Kafi, singen, zäme si – jung und älter.
Mer cha inä. Mer sött.
D Nadine.
Wänn d Nadine s Fläschli ufmacht,
riecht s nach Chruut und Stille.
Naturkosmetik vo Hand, i de Schulhuusstrass 11 –
mer cha sich pflege loh, wo mer wohnt.
Natürlich heisst bi irä nöd weniger.
Es heisst: d Huut derf atme.
