Chrigi Urech am Küchenfenster vom Kafi Feischter
zrugg zu de Lüüt Kafi Feischter

D Chrigi.

  1. Wer bisch du und was machsch du,
    wenn du grad nöd für de QV interviewt wirsch?

    Ich bin d Chrigi,
    Mama vo 3 coole Jungs,
    Barista und Journalistin.
    Ich füetterä di 3 Raubtier, bin viel im Gartä
    und probierä mega gern nöii Rezept us.

  2. Vervollständige de Satz:
    «Robehuuse isch für mich ...»

    mis Dihei – en Wohlfühl- und Arbätsort.

  3. Was isch din Lieblingsort in Robehuuse
    und warum genau det?

    Öisä Gartä – will er total im Grüenä liit
    und d Kafimaschinä nöd wiit wäg isch.
    Für öis isch er so vieles:
    Fuessballplatz, Fuesswellness, Erholigsruum
    und no viel meh.

  4. Hand ufs Herz:
    Was nervt dich mängisch a Robehuuse?

    Mängisch de rücksichtslos Verchehr,
    wo a öisem Huus verbifahrt.

  5. Du bechunsch 10'000 Franke und muesch alles für Robehuuse usgeh.
    Was machsch demit?

    Ich würd de Rössliplatz no viel grüener machä:
    meh Sitzplätz, meh Bluemä und Böim,
    meh Begegnig.

  6. Was isch öppis, wo du richtig guet chasch,
    aber fascht niemert vo dir weiss?

    Ich chan guet singe.

  7. Für was chönnt me dich mitten i de Nacht wecke?

    Für irgend ä cooli Überraschig.

  8. Bisch Team Hund, Chatz, Elefant oder Einhorn?

    Team Chatz.

  9. Mit wellere bekannte Person würdsch gern mal
    uf em Rössliplatz en Kafi trinke
    und über was würdet ihr rede?

    Mer redet über s Chochä und s Backä.

  10. Warum s Kafi Feischter?

    Es isch us Zuefall und eigenem Bedürfnis entstandä.
    Dass Fründe und Nachbärä a öises Chuchi-Feischter chömed cho pöpperle
    isch sit 13 Jahr Alltag.
    Au de Pöschtler bringt sini Päckli direkt zum Feischter.
    Irgendwänn hätts agfangä, dass Nachbärä as Feischter sind cho Kafi trinkä,
    bsunders am Samstig Morge während em Robehuuser Wuchemärt.
    Und will mir Barista-Kafi a min Lieblingsmärt gfählt hät,
    han ich aafangs 2021 gseid:
    Dänn mach ich doch am Samstig Morge s Chuchi-Feischter uf und verchauf Kafi!
    Dademit han ich es Bedürfnis troffä.
    Und mini Liideschaft für Kafi und Kulinarik zum Bruef gmacht.
    S Kafi Feischter isch immer mehr gwachsä
    und entspringt minere Liideschaft für perfekt zuebereitätä Kafi und Gmeinschaft.
    S wundersame am Kafi isch ja: wo zämä Kafi trunkä wird,
    entstönd gueti Gspröch und Zueghörigkeit.
    Drum isches für mich s Kafi Feischter e Herz-sensaglägäheit.

  11. Welche Person us Robehuuse sötted mir als Nächstes interviewe
    und warum?

    Zohre Ghaffari Hemmati