D Daniela.

Wer bisch du und was machsch du,
wenn du grad nöd für de QV interviewt wirsch?

Ich bin d Daniela und ich wohnä sit rund 4 Jahr in Robehuuse am Rössliplatz.
Ich schaff i dä bildendä Kunst, i dä Landwirtschaft und als Schuehmacheri.

Vervollständige de Satz:
«Robehuuse isch für mich ...»

Gspröch mit Mänschä in Robehuuse,
wo zäme mitenand öppis bewegä wänd.

Was isch din Lieblingsort in Robehuuse
und warum genau det?

Uf em Bänkli vor mim Huus, mit Blick is Quartier.
Ich lieb en Kafi z trinkä – und um mich ume werkled’s lebendig.

Hand ufs Herz:
Was nervt dich mängisch a Robehuuse?

Alli Verchehrsteilnehmer,
wo z schnäll dur Robehuuse fared.

Du bechunsch 10'000 Franke und muesch alles für Robehuuse usgeh.
Was machsch demit?

Ich würd entweder en riesige Brunnä uf den Rössliplatz stellä,
wo alli vo gross bis chli badä chönted.
Oder ich würd es Filmfestival i de alte Badi Robehuuse lanciere.

Was isch öppis, wo du richtig guet chasch,
aber fascht niemert vo dir weiss?

Ich chan super im Hindergrund alles organisierä
und bewürke, dass alles klappet.

Für was chönnt me dich mitten i de Nacht wecke?

Dass mer mit em Ruederböötli mal wieder
vo Robehuuse bis in Pfäffikersee paddlä chan.

Bisch Team Hund, Chatz, Elefant oder Einhorn?

Team Elefant.
Ich bin au bodenständig, fürsorglich und kommunikativ.

Mit wellere bekannte Person würdsch gern mal
uf em Rössliplatz en Kafi trinke
und über was würdet ihr rede?

Ich würd gern mit de Teilnehmer vo de
Turpästafette Robehuuse 1980 schwätze
und ihri Gschichtä lose.

Warum Assoziative schwarzes Schaf?

Ich glaub, einersiits isch es wunderschön,
mit andere under freiem Himmel imene Gartä z würke
und sich dabi ustusche z chönä.
Anderersiits chan mer sich begägne,
no Heugümper gseh und eigni Tomate hei näh.
Es isch es mitenand öppis mache – aber Ziit für en Uustusch ha.

Welche Person us Robehuuse sötted mir als Nächstes interviewe
und warum?

Peter Siegenthaler.