Dä Peter.

Wer bisch du und was machsch du,
wenn du grad nöd für de QV interviewt wirsch?

Ich bin dä Peter Siegenthaler.
Wänn ich nöd grad Interviews gibä,
bini viel i dä Natur am wanderä, am läsä
oder irgendwo engagiert i de Freiwilligäarbet.

Vervollständige de Satz:
«Robehuuse isch für mich ...»

Dihei.
Da bin ich umgäh vo Lüüt, woni kännä,
wo mer schetzt,
wo mer es Dorfläbä und en Märt händ.

Was isch din Lieblingsort in Robehuuse
und warum genau det?

Ich fühl mich im ganzä Quartier wohl,
egal ob Rössliplatz oder sust wo.
Da kennt mer sich,
da hani Kontakt mit andere Mänschä.
Mer grüesst sich und schwätzt,
und da findet es Quartierläbä statt,
won ich sit über 43 Jahr sehr schetzä.

Hand ufs Herz:
Was nervt dich mängisch a Robehuuse?

Sturi Lüüt,
wo anderi Meinigä nöd chönd gältä lah
und nöd zuelosäd.

Du bechunsch 10'000 Franke und muesch alles für Robehuuse usgeh.
Was machsch demit?

Ich würd es riesigs Dorffest
in ganz Robehuuse fiirä.

Was isch öppis, wo du richtig guet chasch,
aber fascht niemert vo dir weiss?

Ich chan guet organisierä.
Ich schaffe sehr gern sehr gnau,
drum klappets.

Für was chönnt me dich mitten i de Nacht wecke?

Mich chan mer immer wecke,
wänn öpper Hilf brucht.

Bisch Team Hund, Chatz, Elefant oder Einhorn?

Team Mänschä.

Mit wellere bekannte Person würdsch gern mal
uf em Rössliplatz en Kafi trinke
und über was würdet ihr rede?

Petra Ivanov.
Si isch e Schriftstellerin,
und mir würded wohl über ihri Büecher schwätzä,
weli ich sehr gern liesä.

Warum so viel Engagement?

Wills mir eifach Fröid macht.
Ich han gern Kontakt mit Lüüt.
Mer seit Dankä,
und es chunt immer öppis Guets zrugg.
So gitts mir Energie und Freud.

Welche Person us Robehuuse sötted mir als Nächstes interviewe
und warum?

Dä Fritz Hofer.
Er isch vor dä Pensionierig de Husmeischter
im Schuelhuus Robehuuse gsi
und kennt ganz vieili Gschichtä und Mänschä
in Robehuuse und Wetzikä.