Claudia Landerer, Viva Robenhausen
zrugg zu de Lüüt Viva Robenhausen

D Claudia.

  1. Wer bisch du und was machsch du,
    wenn du grad nöd für de QV interviewt wirsch?

    Ich bin d Claudia:
    pensionierti Huusärztin mit Liib und Seel.
    Im Momänt investier ich meh als 1000 Stund im Jahr
    i öises Härzensprojekt Viva.

  2. Vervollständige de Satz:
    «Robehuuse isch für mich ...»

    Heimat.
    Ich wohnä sit 44 Jahr da in Robehuuse
    und lernä immer no mega cooli Lüüt kännä.

  3. Was isch din Lieblingsort in Robehuuse
    und warum genau det?

    Bi mir dähei i mim Gartä.
    Är isch de Aaziehigspunkt
    für so vill Chind und spannendi Begägnigä.

  4. Hand ufs Herz:
    Was nervt dich mängisch a Robehuuse?

    Mänschä, wo eher distanziert
    und altigsässe sind.

  5. Du bechunsch 10'000 Franke und muesch alles für Robehuuse usgeh.
    Was machsch demit?

    Ich würdi alles i öisi Gmeinschaft Robehuuse investierä
    für no meh Mitenand.

  6. Was isch öppis, wo du richtig guet chasch,
    aber fascht niemert vo dir weiss?

    Ich chan guet Mänschä begeischtere
    und für öppis zämäbringä.

  7. Für was chönnt me dich mitten i de Nacht wecke?

    Für en medizinischä Notfall.

  8. Bisch Team Hund, Chatz, Elefant oder Einhorn?

    Team Mänsch.

  9. Mit wellere bekannte Person würdsch gern mal
    uf em Rössliplatz en Kafi trinke
    und über was würdet ihr rede?

    Da fallt mir grad nüt ii.

  10. Warum s Viva?

    Ich han Luscht uf es grössers und gmeinsams Projekt gha.
    Per Zuefall isch en Huusteil näbed eus zum Verchauf usgschribe gsi.
    Das hät zu vielnä Gspröch und Idee gfüehrt, bis mir
    irgendwenn d Idee vonärä Alters-WG cho isch.
    Bim Joggä han ich dänn dä Dani Müller troffä.
    Mir sind is Gspröch cho und är isch voll begeischtered gsi.
    So händ sich ganz vili Puzzleteili zämägfüegt,
    bis mir alli: d Lisa, de Matthias, d Silvia, dä Dani und ich
    s Projekt händ chönä umsetzä.

  11. Welche Person us Robehuuse sötted mir als Nächstes interviewe
    und warum?

    D Heidi Demuth und dä Martin Wunderli.